فتحي

SalSoul Jeu 17 Mai - 17:09

فما واحد أسمه فتحي دبر خدمة في قاراج ميكانيك... نهار قال لعرفه راني نعرف المعتمد، مات عرفه من الضحك وقاله اخدم على روحك ويزي من الكذب...
ولكن بعد نهارين تعدى المعتمد بحذا القاراج و سلم على الفتحي سلام حار... العرف عجباته الفازة وزاده في الشهرية...
زاد ايامات وقاله يا عرفي راني نعرف الوزير قاله لا يزينا عاد! هذي منصدقهاش...
ياخي نهار من النهارات تعدى الوزير قدام القاراج وسلم على الفتحي وشرب معاه قهوة...
العرف قريب يهبل وقاله يا ولدي باش نعرسلك ببنتي وباش نحطك عرف في القاراج...
زاد نهارات وقاله بربي عرفي أعطيني نهيرات راحة باش نمشي لأمريكا راهو صاحبي أوباما مستدعيني... العرف طاح يتصكك من الضحك وقاله لا عاد هذي قالتلهم أسكتو !كيف انت حاب تمركي ايامات راحة اكذب كذبة اخرى... قاله كان تحب هيا معايا وشوف...
من غدوة قصدو ربي لأمريكا وتعدو للبيت الأبيض ودخل فتحي والعرف يستنى البرة بعد شوي طل فتحي من الشباك وهو يترشف في قهوة مع أوباما و هما في آخر انسجام... طاح العرف مافي عينه بله وهزوه للإستعجالي...
ياخي كيف فاق قاله فتحي ياخي عرفي دخت على خاطر شفتني مع أوباما؟
قاله لاااااااا راني دخت كيف اسمعت زويز امريكان متعديين يقولو اشكون اللي واقف في الشباك مع فتحي !!!؟؟